اقتراح الكل يدخل يصوت لو سمحتم

انهردة عيزين نعمل قانون جديد للتحالف انا استشرت القائد وقالى اطلب

تصويت على المنتدا ياريت الكل يقول ردة على فكرتى الموضوع هو

اننا عيزين نعمل للتحالف حد ادنى لقبول اعضاء جدد يعنى ترتيب و وعدد نقاط

فا ياريت الكل يقول الحد الادنى للنقاط لقبول الاعضاء والحد الادنى فى الترتيب

انا شايف ان الترتيب هيكون صعب الان ولكن حبيت اخود تصويت علية

وشكرا تحياتى

مشاغب التحالف

ممتاز صوتي 500 نقطة لقبول العضا الجدد عشان تفرق معلنا في الترتيب

ممتاز عيزين بقا كل الاعضاء تدى اصوتها

والله فكره جامده وخطرت علي بالي وهيه هتتنفز يعني هتتنفز بس بعد ما نقطنا احنا يزيدو والاعضاء ايضا وهنيجي عند وقت معين هنبعت انذارات للنقاطهم منخفضه نقولهم علو النقاط للقدر الي احنا عيزينو ورابع انذار هنتكلم فيه بعدين بس الفكره دي هتطبق انشاء الله بس اول مايجي الوقت

تمام .. و 500 نقطة كويس اوي

بما إني عضو في التحالف ومن حقي التصويت في هذا الإستفتاء
بعد إذنكم أحب أقول رأيي .. وهو إني بأرفض إننا نعمل حد أدنا لقبول الأعضاء الجدد في التحالف .
لأن اللعبة لسه جديدة .. وكل الناس تقريبا متقاربين في النقاط والمستوي مهما كان الفرق بينهم .
والأعضاء الصغيرين الي مش هتقبلوهم دلوقتي هينضمو لأي تحالف تاني يقبلهم .. وبعد فترة صغيرة هيكبرو ويكونو أقوياء .
وساعتها طبعا مش هيرجعولنا تاني ويقولولنا والنبي إقبلونا معاكم إحنا خلاص كبرنا .
الموضوع ده إحنا جربناه كتير في إيكاريم ... وأنا شخصيا جربته في التحالف بتاعي .
ولقيت إننا لما نستثمر في اللاعب الصغير ونخليه معانا ونحميه كمان .. بيشيلنا الجميل لما يكبر ويصبح قوي .
وبعد شهرين تلاته هتكون كل الناس خلصت معظم الأبحاث وعندها مستعمرات كتير ... وساعتها كل الناس هتكون اقوياء ويقدرو يحاربو ويعملو جيوش قوية .
أخوكم : محمود حسن .

كلامك حلو بس صعب تحقيقو .... بص احنا ممكن نعمل حاجه اسمها ترشيح اذاي هقولك احنا نخلي الاعضاء الاقويه الي نقاطهم فوق ال2000 والاقل نسيب منهم حبه بس تكون نقاتهم تساعدنا + يكونو عندهم شجاعه ومشاركه ومتفاعلين

كويس500 وكل مايكون أكثر يكون أحسن